Майстар і выканаўца І. І. Шульга, в. Пярэбневічы Смаргонскага раёна Гродзенскай вобласці. 1989 г. Гэты даволі папулярны на Беларусі шматструнны інструмент мае рэзанатарны корпус трапецападобнай формы. Пры ігры па струнах б’юць дзвюма драўлянымі палачкамі. Яркае і працяглае, багатае на абертоны гучанне цымбалаў паэтычна параўноўваюць з гулам разбуджанага дрымучага бору (А. Куляшоў “Прыгоды цымбалаў”). У ансамблі з дудой (у мінулым), скрыпкай, гармонікам, кларнетам і барабанам цымбалы гучаць на вяселлях, хрэсьбінах, веча-рынках, бяседах, суправаджаючы танцы і песні. Народныя майстры вырабляюць цымбалы з разнастайных мясцовых парод дрэў.